Премиерот зборува за евроинтеграциите и реформи, без спомнување на Бугарите во Уставот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Премиерот зборува за евроинтеграциите и реформи, без спомнување на Бугарите во Уставот

18 јануари 2026

• од Станча Јаќимовски

Премиерот Христијан Мицкоски денеска изјави дека државата треба најпрво да си ја заврши „домашната задача“ со реформите, а потоа, како што рече, ќе остане на Европската унија да одлучи дали процесот на пристапување ќе се води по јасни критериуми или ќе продолжи да биде билатерализиран.

Изјавата доаѓа во период кога сите 27 земји-членки на ЕУ веќе се согласија за Преговарачката рамка за Северна Македонија, усвоена во 2022 година со т.н. француски предлог. Со тој договор, Бугарија официјално го тргна ветото за почеток на преговорите со земјава.

Оттогаш, европските институции јасно посочуваат дека следниот чекор зависи од Скопје. Клучен услов од договорената рамка се уставните измени, меѓу кои и внесување на Бугарите во Преамбулата на Уставот. Без тие измени, не може да се продолжи со отворање на преговарачките поглавја.

Иако премиерот зборува за фокус на внатрешни реформи, токму уставните измени се дел од таа „домашна задача“. Засега, Владата не започнува конкретна постапка за нивно спроведување, што се толкува како одолговлекување на процесот.

Дополнително, изјавата дека по реформите повторно ќе се чека одлука од 27-те земји-членки предизвикува дилеми, бидејќи рамката веќе е договорена, а Бугарија со францускиот предлог се обврза да не го блокира процесот доколку обврските се исполнат.

Пораката што сè почесто се слуша од Брисел е дека „топката е кај нас“, иднината на евроинтеграциите во моментов зависи најмногу од одлуките и чекорите што ќе ги направи државата дома.