Празничниот продолжен викенд ја „испразни“ државата: Над 43.000 граѓани заминаа во странство

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Празничниот продолжен викенд ја „испразни“ државата: Над 43.000 граѓани заминаа во странство

11 април 2026

• од Станча Јаќимовски

Како што веќе станува традиција, продолжените празнични викенди се повод за масовни патувања надвор од границите на Македонија. Најновите податоци на Министерството за внатрешни работи (МВР) потврдуваат дека над 43.000 македонски државјани одлучиле велигденските празници да ги поминат во странство.

Според полициските извештаи, најголема фреквенција на патници е забележана на граничните премини Табановце, Богородица и Блаце.

Табановце: Најфреквентна точка кон север

Во периодот од 9 април (од 12:00 часот) до денеска, 11 април (до 12:00 часот), преку граничниот премин Табановце земјата ја напуштиле дури 16.764 македонски државјани, додека во истиот период влегле само 6.279.

Што се однесува до странските државјани на овој премин:

Влез: 12.075 лица
Излез: 10.715 лица

Јужната и западната граница под „опсада“

Огромлив прилив на патници е забележан и кон Грција и Косово. Преку граничните премини Богородица и Блаце, државата ја напуштиле вкупно 20.749 македонски државјани.

ГП Богородица: Регистрирани се 10.425 излези на наши државјани, наспроти 2.607 влезови. Кај странците, бројките се побалансирани – 7.770 влегле, а 8.593 ја напуштиле Македонија.
ГП Блаце: Овој премин го искористиле 10.324 македонски граѓани за излез, додека 5.587 се вратиле во земјата. Интересно е што на овој премин е забележан висок влез на странски државјани (17.210 лица).

Помала фреквенција на другите премини

Останатите гранични премини бележат значително помал интензитет на сообраќај:

Ќафасан: 2.216 граѓани излегле од државата.
Меџитлија и Дојран: Вкупно 3.363 македонски државјани ја поминале границата преку овие две точки.

Апел до возачите: Надлежните институции апелираат до сите граѓани кои планираат да патуваат, да бидат трпеливи и редовно да ја следат состојбата на камерите на граничните премини, со цел да се избегнат непотребни чекања и метеж.