Повторно избувна пожар кај фабриката за оружје и муниција во Самоков

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Повторно избувна пожар кај фабриката за оружје и муниција во Самоков

07 јули 2025

• од Станча Јаќимовски

Денеска околу 13 часот повторно избувна пожар во кругот на фабриката за оружје и муниција АТС АММО во населбата Самоков, Македонски Брод. Според информациите на Територијалната противпожарна единица (ТППЕ) Македонски Брод, иако претходниот пожар во магацинот бил локализиран пред неколку дена, во ноќните часови се случила експлозија на буре со хемикалии складирани во истиот магацин.

Подоцна во текот на денешниот ден, експлодирало уште едно буре со хемикалии, по што огнот повторно се активирал и се проширил на околната ниска вегетација, трева и дрвја, како во кругот на фабриката, така и надвор од него. Засега, пламените јазици не ги зафатиле производните хали ниту останатите магацински капацитети, но итно се преземаат мерки за нивна заштита и локализација на пожарот.

На терен интервенира една екипа од ТППЕ Македонски Брод со едно противпожарно возило, а поради ризикот од ширење на пожарот и сложениот терен, градоначалникот на Општина Македонски Брод побарал дополнителна помош од противпожарните единици од Прилеп и Кичево. ТППЕ Прилеп веќе испратила противпожарно возило со екипа на лице место.

Истовремено, преку бројот за итни случаи 112, официјално е побарана и воздухопловна поддршка за асистенција на копнените сили во справување со огнената стихија.

Центарот за управување со кризи (ЦУК) ги проследил сите барања до Министерството за внатрешни работи, Дирекцијата за заштита и спасување и Генералштабот на Армијата на Република Северна Македонија. ЦУК информира дека останува во постојана координација со надлежните институции и ќе ја известува јавноста за понатамошниот развој на настаните.