Поранешниот директор на Онкологија се изјасни за невин: „Не сум виновен за несовесно лекување“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Поранешниот директор на Онкологија се изјасни за невин: „Не сум виновен за несовесно лекување“

05 септември 2025

• од Станча Јаќимовски

На денешното судско рочиште за случајот со наводно несовесно лекување пациенти на Онкологија, обвинетиот поранешен директор на Клиниката, д-р Никола Васев, изјави дека не се чувствува виновен.

Одбраната тврди за заговор

Неговиот адвокат, Никола Ставрев, истакна дека против Васев се води „некој вид заговор“ и нагласи дека ќе ја докажат неговата невиност со релевантни докази.

„Ќе се спротивставиме и ќе ги побиеме доказите на Обвинителството со помош на нашето вешто лице“, рече Ставрев, додавајќи дека бараат сведочење на Марина Вукашиновиќ Столеска и изземање на вештакот Милан Ристески.

Судот претходно одби да не ги прифати вештачењата од Србија и Словенија, па одбраната побара тие вештаци директно да бидат сослушани, како и лекари онколози од Клиниката.

Васев со приговор кон вештакот

Доктор Васев пред судот изјави дека вештакот Ристески не може да биде објективен, бидејќи токму тој го сменил од директорската функција.

Судницата во тензична атмосфера

Судијката Снежана Марковска мораше да реагира, предупредувајќи го адвокатот на Васев, Мартин Митревски, да го почитува редот во судот и да зборува само по процедура, инаку ќе бидат преземени мерки.

Другите обвинети

Освен Васев, уште двајца лекари се изјаснија како невини.

Симонида Црвенкова нагласи дека целиот свој живот го посветила на професијата и дека поради работата најмногу страдало нејзиното семејство.
Драган Јакимовски исто така се изјасни за невин, нагласувајќи: „Од самиот почеток тврдам дека најпрофесионално и најодговорно ги извршувам своите работни задачи. Не сум наштетил на ниту еден пациент. Мене не ме плаши правдата, туку неправдата која некој сака да ми ја нанесе“.