Падна апсење за трговија со влијание: Уапсен скопјанец поради примање 10.000 евра

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Падна апсење за трговија со влијание: Уапсен скопјанец поради примање 10.000 евра

16 август 2025

• од Станча Јаќимовски

Одделот за сузбивање на организиран и сериозен криминал при МВР поднесе кривична пријава до Основното јавно обвинителство за гонење на организиран криминал и корупција против 59-годишниот П.Г. од Скопје. Тој се сомничи за сторено кривично дело „примање награда за противзаконито влијание“ по член 359 став 7 во врска со став 2 од Кривичниот законик.

Платени 10.000 евра за наводно влијание врз судии

Според истрагата, во периодот од април до август годинава, П.Г. примил награда од 10.000 евра за наводно да интервенира и да влијае врз одлуки во граѓански постапки пред Основниот граѓански суд Скопје и Апелациониот суд Скопје. Тој се претставувал како лице со блиски врски со судии од Апелација, нудејќи решавање на судски спорови во корист на странката што му платила.

Сведокот пријавил трговија со влијание

Случајот започнал кога управител на правно лице дознал дека спротивната страна во судски спор наводно подмитувала судии за да добие поволни одлуки. Во обид да ја провери информацијата, преку познаник – пензиониран судија, дошол до контакт со П.Г. Осомничениот директно побарал 16.000 евра за да „среди“ спор, уверувајќи дека другата страна давала уште поголеми износи.

Поради неможност целосно да ја исплати сумата, сведокот се договорил со П.Г. за плаќање во три рати. На 30 април, првата рата од 5.000 евра му била предадена, по што осомничениот уверувал дека исходот ќе биде поволен. Во текот на комуникацијата, сведокот одлучил случајот да го пријави во полиција.

Апсење при примопредавање пари

При следната средба и исплата на уште 5.000 евра, полицијата веднаш интервенирала. Осомничениот бил лишен од слобода во моментот кога ги примил парите, а против него е поднесена кривична пријава и следи понатамошна постапка пред обвинителството.