23 март 2026
• од Станча Јаќимовски
Како и секоја година, преминот од зимско во летно сметање на времето ќе се случи во последната недела од март. Оваа година, промената паѓа на 29 март, кога во 03:00 часот стрелките на часовникот ќе се поместат еден час напред, односно ќе покажуваат 04:00 часот.
Летното сметање на времето ќе биде во сила сè до 25 октомври 2026 година. Главната цел на оваа промена е заштеда на електрична енергија. Во текот на седумте месеци на летно време, благодарение на подолгата дневна светлина, се проценува дека може да се заштедат околу 210 часа енергија.
Практиката на поместување на часовникот започнала во 1970-тите години, под влијание на нафтената криза, кога повеќето европски земји вовеле ваква мерка со цел поефикасно користење на дневната светлина. Од 1996 година, Европа има заедничка регулатива: во пролет часовниците се поместуваат еден час напред, а во есен еден час назад. Првиот експеримент со ваква промена бил направен уште во 1932 година, од 6 јули до 1 септември.
Иако промената на времето има за цел да придонесе кон заштеда на енергија, таа не е без контроверзии. Овој систем се применува и во земји како САД и Франција, но често е предмет на дебата. Критичарите предупредуваат дека ваквите промени можат негативно да влијаат врз здравјето, особено врз кардиоваскуларниот систем и имунитетот, бидејќи го нарушуваат природниот биолошки ритам на човекот. Дополнително, некои експерти сметаат дека заштедата на енергија не е секогаш значајна како што се претпоставува.
ДУИ: Албанците се изоставени од унапредувањата, институциите да дадат одговори
Ненадминливи Понуди Дневно
4.8 (10276 рецензии)
Заштедете 152.00 ден

