Отворена истрага за шест лица осомничени за трговија со дрога

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Отворена истрага за шест лица осомничени за трговија со дрога

07 јули 2025

• од Станча Јаќимовски

Надлежниот јавен обвинител од Основното јавно обвинителство Скопје денеска официјално отвори истрага против шест лица поради основано сомнение дека сториле продолжено кривично дело — неовластено производство и пуштање во промет наркотични дроги, психотропни супстанции и прекурсори, казниво по член 215 став 3 во врска со став 1 и член 45 од Кривичниот законик.

Според обвинителството, осомничените во периодот од 1 мај до 3 јули 2025 година, дејствувале заедно и со умисла, извршувајќи повеќе поврзани активности кои претставуваат повеќекратно остварување на исто кривично дело — трговија со дрога. Во повеќе наврати, тие неовластено продавале или заради продажба неовластено поседувале околу 6,5 килограми амфетамин, 257 грама марихуана, како и 98 таблети психотропна супстанца MDMA (3,4-метилен-диоксиметамфетамин).

Предистражната постапка траела неколку месеци, при што дел од доказите биле обезбедени со примена на посебни истражни мерки. На 3 јули годинава, осомничените биле лишени од слобода во координирана полициска акција, а по наредба на судија на претходна постапка биле извршени претреси на повеќе локации во Скопје и Куманово.

При претресите, покрај претходно наведениот амфетамин, марихуана и MDMA, биле пронајдени и дополнителни количества на марихуана, хашиш, кокаин, различни таблети, повеќе дигитални ваги, како и други предмети и парични средства поврзани со трговијата со дрога.

Јавниот обвинител денеска до судијата на претходна постапка доставил предлог за определување мерка ефективен притвор за сите шестмина осомничени.