Османи: Не сме ни помислиле дека ќе се појават албански политички сили што ќе ги напаѓаат нашите достигнувања

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Османи: Не сме ни помислиле дека ќе се појават албански политички сили што ќе ги напаѓаат нашите достигнувања

30 март 2026

• од Станча Јаќимовски

Поранешниот министер и потпретседател на Демократска унија за интеграција, Бујар Османи, реагираше на обвинувањата од функционери на ВЛЕН, кои ја критикуваат ДУИ дека во изминатите две децении не го направила албанскиот јазик целосно службен.

Во својата писмена реакција, Османи нагласува дека ДУИ има значајна улога во унапредувањето на статусот на албанскиот јазик, посочувајќи низа конкретни чекори што биле преземени во изминатите години.

„Го променивме Уставот. Го донесовме Законот за јазиците. Ја основавме Агенцијата за јазик. Го подигнавме инспекторатот. Создадовме јазични сектори во институциите. Подготвивме ресурси за негова примена и започнавме масовна имплементација низ институциите“, наведува Османи.

Тој додава дека и покрај овие чекори, денес, според него, се појавуваат политички субјекти кои наместо да ги зајакнат овие достигнувања, работат на нивно постепено уназадување.

„Денес доаѓаат и го оштетуваат јазикот, го разградуваат чекор по чекор, а потоа со леснотија прашуваат: ‘зошто вие не сте го направиле тоа досега’“, истакнува Османи.

Во својата реакција, тој признава дека постои една грешка, но не во однос на сработеното, туку во проценката.

„Ние сме го направиле тоа, но имаме вина за една работа – не ни падна на памет дека ќе се појават албански политички сили кои ќе се борат против најважното достигнување на новата државна архитектура – албанскиот јазик“, потенцира Османи.

Оваа изјава доаѓа во услови на засилени политички препукувања околу прашањето за статусот и практичната употреба на албанскиот јазик во институциите, што повторно го става ова прашање во фокусот на јавната дебата.