Ѓорѓиевски: „Усје“ не е единствениот проблем – потребна е дислокација на тешката индустрија од Скопје

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ѓорѓиевски: „Усје“ не е единствениот проблем – потребна е дислокација на тешката индустрија од Скопје

27 декември 2025

• од Станча Јаќимовски

Градоначалникот на Град Скопје, Орце Ѓорѓиевски, изјави дека цементарницата „Усје“ не е единствениот извор на загадување во главниот град и дека е неопходна сеопфатна стратегија за дислокација на тешката индустрија надвор од Скопската Котлина. Тој ги поддржа заклучоците на Советот за справување со аерозагадувањето и најави средби со премиерот и со заменик-министерката за животна средина, со цел изнаоѓање трајно решение за проблемот со загадениот воздух.

Според Ѓорѓиевски, покрај цементарницата „Усје“, сериозни потенцијални загадувачи се и погоните во Железара, фабриките за кабли, како и одредени депонии и отпади лоцирани во централното градско подрачје. Тој посочи дека со децении проблемот бил само констатиран, без конкретни чекори за негово решавање.

„За жал, повеќе од 30 години сите го констатирале проблемот, но никој не го решил. Цементарницата не е единствениот потенцијален загадувач. Имаме и други погони и фабрики кои, според мене, треба да бидат дислоцирани од централното градско подрачје. Тоа се резултати на лоши проценки во минатото. Триесет години, освен констатации, немаме помрднување од мртва точка“, изјави Ѓорѓиевски во гостување во централниот дневник на ТВ Сител.

Градоначалникот информираше дека инспекциските служби веќе делуваат на терен, иако без поголема медиумска помпа. Досега биле изречени неколку казни во вкупна вредност од 53 илјади евра за индустриски капацитети кои поседуваат Б-интегрирана еколошка дозвола.

Покрај репресивните мерки, Ѓорѓиевски најави и низа системски решенија. Во план е проширување на топловодната мрежа со цел сите објекти во центарот на градот кои сè уште не се приклучени да добијат пристап до парно греење, како и интензивирање на процесот на гасификација. Дополнително, Советот на Град Скопје усвоил мерка за финансиска поддршка на граѓаните за поставување филтри на оџаците.

На вчерашната седница на Советот на Град Скопје, по иницијатива на советниците на „Зелен хуман град“, едногласно беше усвоен заклучок за отпочнување постапка за дислокација на цементарницата „Усје“ и сите големи индустриски загадувачи надвор од Скопската Котлина.