Онлајн нарачките до 22 евра ќе се оданочуваат со 18% ДДВ

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Онлајн нарачките до 22 евра ќе се оданочуваат со 18% ДДВ – Собранието ги изгласа измените

19 ноември 2025

• од Станча Јаќимовски

Со 59 гласа „за“ и 12 „против“, пратениците во Собранието ги усвоија измените со кои се воведува 18% ДДВ за сите онлајн нарачки од странство со вредност до 22 евра. Овие пратки досега беа целосно ослободени од даночни обврски, што значи дека граѓаните ќе плаќаат повисока конечна цена за артиклите купени преку платформите „Temu“, „Shein“, „AliExpress“ и други слични веб-дуќани.

Повикување на фер пазарни услови

Според заменик-министерот за финансии, Николчe Јанкуловски, воведувањето на ДДВ за малите пратки има цел да ги заштити домашните мали трговци, кои со години се соочуваат со нелојална конкуренција од евтините увозни производи нарачани преку интернет.

„Овој исклучок веќе е укинат во Србија и Црна Гора, а е во процес на укинување и во Албанија. Време е да ги усогласиме нашите правила со регионот и да создадеме поправични услови за домашните продавници,“ изјави Јанкуловски.

Како ќе се одрази мерката?

Со промените, секоја пратка со вредност до 22 евра ќе подлежи на 18% ДДВ, што практично значи поскапување на артиклите кои досега стигнуваа без дополнителни трошоци. Иако нема да се наплаќа царина (која важи за пратки над 45 евра), воведувањето на данок значи дека купувањата од популарните платформи ќе станат значително поскапи за дел од граѓаните.

Мерката предизвика поделени реакции во јавноста – дел ја поддржуваат како чекор кон фер конкуренција, додека други сметаат дека ќе го ограничи пристапот до поевтини производи што ги нуди глобалниот онлајн пазар.