Онколошка пациентка со силна порака: „Не сте преживеале канцер, затоа ви е лесно да терате кампањи“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Онколошка пациентка со силна порака: „Не сте преживеале канцер, затоа ви е лесно да терате кампањи“

13 септември 2025

• од Станча Јаќимовски

Академскиот сликар и онколошки пациент Анжелика Колева упати емотивна и остра порака преку социјалните мрежи до властите и јавноста, посочувајќи на сериозноста на загадувањето и системската негрижа кон здравјето на граѓаните.

Критика кон институциите

Колева нагласува дека носителите на одлуки не ја почувствувале тежината на борбата со канцер и затоа можат мирно да се занимаваат со предизборни кампањи. „Не сте преживеале канцер, затоа ви е океј да терате предизборни кампањи наместо да ангажирате сѐ што е војска и полиција да ги чува депониите. Не сте чекале ред на Онкологија за хемотерапија, затоа ви е океј да дишеме ваков воздух на смрт што мириса,“ напиша таа.

Системска нееднаквост

Во нејзината порака се осврна и на тоа дека семејствата на пациентите со канцер стравуваат пред операциони сали, додека властите живеат во услови со „сонце на чисто“, а нивните деца се школуваат во безбедни услови во странство. „Туѓите деца се трујат дома“, предупреди Колева, потсетувајќи и на трагедијата во Кочани, како и на нерешените проблеми во Онкологија – теми кои, според неа, пребрзо исчезнуваат од јавниот фокус.

Општествена апатија

Колева во својата порака упати и критика кон општеството, кое го опиша како „растроено“ и „психички оболено за лајкови и интеракција на мреживе“. Таа додаде дека народот останува рамнодушен на трагедиите и проблемите, освен кога станува збор за продолжен викенд. „Составот на државата е од партиски полтрони и ништо повеќе. Во состојба сте да се угушите самите себеси,“ порача таа.