Обвинетиот за трагедијата во Кочани, Шабан Салиу, со зурли и тапани ја објави кандидатурата за градоначалник

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Обвинетиот за трагедијата во Кочани, Шабан Салиу, со зурли и тапани ја објави кандидатурата за градоначалник

12 септември 2025

• од Станча Јаќимовски

Министерот без ресор, Шабан Салиу, кој е обвинет за трагедијата во кочанската дискотека „Пулс“, синоќа ја промовираше својата кандидатура за градоначалник на општина Шуто Оризари. Настанот беше проследен со зурли и тапани низ улиците на општината, со што официјално ја најави својата изборна трка.

Судска постапка и обвинение

Салиу беше уапсен во април оваа година, а потоа му беше определена мерка на претпазливост – задолжително пријавување двапати неделно во судот. Обвинителниот акт го товари за тешки дела против општата сигурност, поврзани со неговата поранешна функција како директор на Државниот завод за статистика во периодот од 2008 до 2017 година.

Последици од трагедијата

На 16 март се случи една од најголемите несреќи во поновата историја на земјата – катастрофален пожар во дискотеката „Пулс“ во Кочани. Животите ги загубија 62 лица, а повеќе од 200 беа повредени. Семејствата на жртвите веќе шест месеци бараат одговорност и правда, организирајќи маршеви и јавни иницијативи. Родителите постојано укажуваат дека одолговлекувањето на судската постапка е незаконско и дополнително ја продлабочува нивната болка.

Судскиот процес во завршна фаза

Од Кривичниот суд во Скопје информираат дека анализата на приговорите на обвинителниот акт е во завршна фаза. Откако ќе биде донесена одлуката, странките и јавноста ќе бидат навремено известени за понатамошниот тек на постапката.