Обвинение за возач со 99% слепило кој со камион усмрти жена на патот Пепелиште

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Обвинение за возач со 99% слепило кој со камион усмрти жена на патот Пепелиште – Неготино

01 август 2025

• од Станча Јаќимовски

Основното јавно обвинителство (ОЈО) Кавадарци поднесе обвинение против 59-годишен возач кој на 3 декември 2024 година предизвикал сообраќајна несреќа со смртни последици на регионалниот пат Пепелиште – Неготино. Обвинетиот, и покрај тоа што имал утврдена попреченост – слепило од 99% и истечена возачка дозвола, управувал товарно моторно возило и удрил пешак.

Во обвинението се наведува дека обвинетиот управувал камион марка „Цитроен Џампер“ кога, на локацијата позната како „Лаки“, со ретровизорот на возилото ја удрил 64-годишната пешачка Ангелина Ангелова. Од силниот удар, жената била фрлена од патот и добила тешки телесни повреди – фрактура на черепот, пршлени и повеќе коски, по што починала.

Обвинетиот се гони за тешки дела против безбедноста во сообраќајот.

Според извештаите од вештачењето, иако кај оштетената е утврден пропуст – бидејќи имала можност визуелно да го забележи возилото и да го избегне, тој фактор се смета за секундарен и не ја менува тежината на делото.

Загрижувачки е фактот што обвинетиот, иако со висока попреченост и корисник на инвалидска пензија и додаток за попреченост, сепак управувал со возило. Уште поголем скандал претставува информацијата дека за време на истражната постапка успеал и да ја продолжи возачката дозвола.

Поради овие околности, ОЈО Кавадарци побара да се изврши темелна проверка на начинот на кој обвинетиот ја стекнал и обновил возачката дозвола, како и на валидноста на медицинската документација што ја доставувал. Дополнително, ќе се испитува и процесот за доделување на инвалидската пензија и додатокот за попреченост.

Овој случај отвора сериозни прашања за контролата на институциите и потенцијалната злоупотреба на системот, со што е загрозена безбедноста на сите учесници во сообраќајот.