Нови угинувања во Скопје ЗОО: Советникот Кирков алармира за „куќа на стравот“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Нови угинувања во Скопје ЗОО: Советникот Кирков алармира за „куќа на стравот“

07 јули 2025

• од Станча Јаќимовски

Советникот во Советот на Град Скопје од редовите на ВМРО-ДПМНЕ, Стефан Кирков, преку објава на социјалните мрежи ја нарече Скопската Зоолошка градина „куќа на стравот“, посочувајќи дека таму продолжува, како што вели, поморот на животни. Според Кирков, во изминатите 3,5 години угинале повеќе од 40 егзотични животни, дел од нив под сомнителни околности, откако новото раководство ја презеде институцијата.

„Нашата, Скопската Зоолошка е една хорор приказна изминативе 3,5 години, ја нареков куќата на стравот со цел да некоја ‘умна’ глава превземе нешто за ова што и се случува на оваа установа“, изјави Кирков, посочувајќи ја како одговорна актуелната градоначалничка Данела Арсовска и поставените раководни кадри.

Кирков информира дека во последниве неколку дена угинале уште две лами, за кои неофицијално се зборува дека подолго време покажувале симптоми на туберкулоза. Пред околу еден месец, според него, починале уште две лами за кои исто така имало сомнеж за истата заразна болест.

Советникот предупредува дека вработените биле принудени да влегуваат во живеалиштата на заболени животни без соодветна заштитна опрема, иако биле свесни за опасноста. Според неговите тврдења, животните не биле изолирани, со што се доведувале во ризик и посетителите, бидејќи туберкулозата може да се пренесе при близок контакт со заболено животно.

Кирков тврди дека на вработените им било наредено да молчат за угинувањето на ламите, а не била известена ниту Агенцијата за храна и ветеринарство, иако тоа е законска обврска.

„Некој мора да поднесе одговорност и да одговара! Данела Арсовска, што уште ќе му направиш на Скопје?“, праша Кирков во својата објава.