Никица Корубин: Преспанскиот, договорот со Бугарија и Охридскиот се недопирливи столбови

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Никица Корубин: Преспанскиот, договорот со Бугарија и Охридскиот се недопирливи столбови

31 јануари 2026

• од Станча Јаќимовски

Во подкастот Коридор 8, аналитичарката Никица Корубин истакна дека Преспанскиот договор, Договорот со Бугарија и Охридскиот рамковен договор претставуваат три клучни столба врз кои почива стабилноста и функционалноста на Северна Македонија.

Корубин потсети дека договорот со Бугарија бил склучен уште на почетокот на 2017 година, една година пред Преспанскиот договор, со јасна цел – трајно регулирање на билатералните односи и надминување на историските спорови преку пристап базиран на факти.

„Комисијата за историја не беше создадена за да го смени идентитетот на Македонците, туку за да помогне во соочувањето со сопственото минато и со идеолошките и политички инструментализации од поранешниот систем“, нагласи Корубин.

Според неа, историјата базирана на факти не е закана, туку стандард според кој функционираат сите современи научни заедници во светот. Таа потенцира дека стравот од фактите е неоснован и дека идентитетот не може да биде променет со научен пристап кон историјата.

„Светот не функционира според нашите лични претстави, туку според јасни правила, принципи и стандарди. Прифаќањето на тие правила е предуслов за стабилна и функционална држава“, изјави таа.

Осврнувајќи се на Охридскиот рамковен договор, Корубин истакна дека иако бил под покровителство на меѓународната заедница, станува збор за внатрешен договор кој е подеднакво важен како и другите два. Според неа, сите три договори заедно ја сочинуваат државната архитектура на Северна Македонија.

„Ако се наруши кој било од овие договори, на кој било начин, директно се нарушува стабилноста на државата“, заклучи Корубин во подкастот „Коридор 8“.