Над 2.000 студенти без пари за студентски оброк: Факултетите доцнеле со списоците

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Над 2.000 студенти без пари за студентски оброк: Факултетите доцнеле со списоците

07 ноември 2025

• од Станча Јаќимовски

Повеќе од 2.000 студенти на почетокот на новата академска година останале без средства за субвенциониран студентски оброк, бидејќи дел од факултетите не ги испратиле навреме потребните списоци до Министерството за образование и наука (МОН).

Според информациите на платформата за заштита на студентите „Студентарија“ и податоците од Министерството, проблемот настанал поради недоставени или задоцнети списоци на запишани студенти. Како последица, на многумина привремено им било укинато правото на оброк.

„Секој месец кога студентите аплицираат за оброк, Министерството врши ажурирање на податоците. Ако некој студент се отпише или изгуби статус, му се укинува правото,“ објаснува Гоше Николов од „Студентарија“.

Тој посочува дека овој проблем се повторува речиси секоја академска година.
„Некои факултети, меѓу кои ФЕИТ, Универзитетот ‘Мајка Тереза’ и Педагошкиот факултет, не ги испратиле навреме листите на студенти на почетокот на академската година. Како резултат на тоа, Министерството им го укинало правото на оброк на студентите запишани таму. Истото се случува секоја година бидејќи нема доволна координација меѓу факултетите и Министерството,“ додава Николов.

Од МОН велат дека исплатата на субвенционираниот студентски оброк се врши исклучиво врз основа на доставените списоци од високoобразовните установи и дека без потврдени и ажурирани податоци не може да се изврши исплата.

„Во најголем дел од случаите, доцнењето се должи на технички причини од страна на факултетите,“ соопштија од Министерството, додавајќи дека исплатите за студентите кои останале без оброк се реализирани откако факултетите ги доставиле исправените списоци.