Најчевска: Да бев избрана за градоначалник во 2009, околу Скопје немаше да има депонии

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Најчевска: Да бев избрана за градоначалник во 2009, околу Скопје немаше да има депонии

01 септември 2025

• од Станча Јаќимовски

Професорката и граѓанска активистка Мирјана Најчевска повторно ја актуализира темата за управување со отпадот во Македонија, овојпат инспирирана од позитивен пример во Данска.

Примерот од Данска

Таму неодамна е изграден зелен парк на покривот на фабрика која отпадот го претвора во енергија. Покривот, со површина од 10.000 квадратни метри, функционира како активен регулатор на микроклимата – го подобрува квалитетот на воздухот, ја апсорбира дождовницата и го намалува ефектот на т.н. топлински остров. На површината се засадени стотици дрвја и илјадници грмушки, избрани според нивниот биодиверзитет и отпорност на ветер.

Повици за инценератори во Македонија

Најчевска потсети дека веќе две децении апелира за изградба на инценератори во земјава. Според неа, тоа е најсоодветното решение за намалување на депониите и подобрување на животната средина.

– „Веќе 20 години повторувам дека во Македонија треба да се изградат инценератори. Да бев јас избрана за градоначалник во 2009 година, околу Скопје ќе имаше најмалку пет инценератори и ниту една депонија. Ама вие го сакавте Коце дрвосечачот. Ова што го живеете е ваша желба,“ напиша Најчевска на социјалните мрежи.

Контраст со реалноста во Скопје

И додека Данска го користи отпадот како ресурс и создава зелени оази врз индустриски објекти, Македонија и понатаму се соочува со децении нерешен проблем со диви депонии и загаден воздух. Коментарот на Најчевска го отвора прашањето зошто вакви решенија не се применуваат и кај нас, и дали пропуштените шанси во минатото можат да бидат надоместени со сериозни политики во иднина.