На 12 и 14 август – екстерните испити од августовската сесија на државната матура

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

На 12 и 14 август – екстерните испити од августовската сесија на државната матура

10 август 2025

• од Станча Јаќимовски

Во августовската испитна сесија од државната матура, на 12 и 14 август ќе се одржат двата екстерни испита за матурантите кои во јуни не ги положиле или не ги завршиле целосно.

На 12 август (вторник) ќе се полага мајчин јазик (македонски, албански, турски или српски) и литература, додека на 14 август (четврток) ќе се одржи полагањето на изборниот екстерен испит. Матурантите ќе можат да избираат меѓу математика, англиски, француски, германски, руски, италијански јазик, како и филозофија или естетика.

Број на пријавени и предмети

Според податоците на Државниот испитен центар (ДИЦ), за двата испитни дена се пријавиле вкупно 1.118 ученици.

Македонски јазик: 352
Албански јазик: 225
Турски јазик: 9
Англиски јазик: 779
Француски јазик: 1
Германски јазик: 2
Математика: 27
Естетика: 1

По вид на образование, полагаат 265 гимназијалци, 835 ученици од средно стручно образование и 18 од средно уметничко образование. Испитите ќе се спроведуваат во простории на факултетите.

Подобри резултати во јуниската сесија

МОН и ДИЦ пред пет дена ги објавија резултатите од државната матура во јуни, според кои постигнувањата се подобри од минатата година. Просечната оценка од двата екстерни испита е 3,69, повисока од ланските 3,26. Поголем успех е забележан кај мајчините јазици, а особено по математика, каде што просекот е 4,14.

Во јуни беа пријавени 15.004 ученици, но тестовите на 172 од нив беа поништени поради обиди за препишување, користење електронски уреди и други неправилности.