МЗ предупредува: Екстремна жештина од 8 до 13 август

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

МЗ предупредува: Екстремна жештина од 8 до 13 август – следете ги препораките

08 август 2025

• од Станча Јаќимовски

Министерството за здравство ја информира јавноста дека според најновата временска прогноза од Управата за хидрометеоролошки работи (УХМР), во периодот од 8 до 13 август 2025 година се очекува значително зголемување на температурите, при што на некои места ќе достигнат и до 39°C.

Во пресрет на топлотниот бран, Министерството потсетува на неопходноста од почитување на општите препораки за заштита на здравјето на населението, особено во најтоплиот дел од денот, од 11 до 17 часот.

Препораки за заштита од високите температури:

Престојувајте во разладени простории, далеку од директна изложеност на сонце.
Внесувајте доволно течности – најдобро вода, избегнувајќи алкохол и засладени пијалоци.
Носете лесна, светла и удобна облека, и користете капа и очила за сонце при излегување.
Избегнувајте физичка активност во најтоплите часови.
Посебна грижа посветете на децата, старите лица, бремените жени и лицата со хронични заболувања – овие групи се особено ранливи на високите температури.
Доколку почувствувате симптоми како вртоглавица, главоболка, гадење или забрзано чукање на срцето – веднаш побарајте медицинска помош.
Одложете активности на отворено во најтоплиот дел од денот.
На работните места и во домовите обезбедете микроклиматски услови – простории разладени до 25°C.

Министерството за здравство апелира до сите граѓани сериозно да ги сфатат овие препораки и редовно да ги следат официјалните информации и известувања. Институцијата ќе ја следи состојбата на дневна основа и ќе реагира во согласност со проценките и потребите.