Мурати: Македонија од симбол на надеж стана пример за застој

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мурати: Македонија од симбол на надеж стана пример за застој

21 јуни 2025

• од Станча Јаќимовски

Северна Македонија, која некогаш се сметаше за модел на надеж и стабилност во регионот, денес е пример за институционален и политички застој – ова е главната порака од прес-конференцијата што ја одржа пратеникот Сали Мурати од коалицијата „Европски фронт“, предводена од ДУИ.

Мурати предупреди дека наместо да напредува кон полноправно членство во Европската Унија, земјата се движи во спротивен правец – кон изолација. Според него, преговорите со ЕУ се блокирани, уставните измени не се реализирани, а институциите молчат пред предизвиците.

„Ова е историска грешка во движење — од патот кон Европа, кон една реалност на изолација. Северна Македонија некогаш беше пример на надеж за регионот. Денес, таа е пример на застој. Преговорите со ЕУ се блокирани. Уставните измени пропаднаа. Институциите молчат. А граѓаните ја плаќаат цената“, изјави Мурати.

Тој посочи дека другите земји од регионот, како Албанија и Црна Гора, веќе ги отворија поглавјата со Унијата и имаат јасна европска перспектива. Албанија, како што рече, очекува членство до 2030 година, додека Црна Гора се движи по истиот пат. За разлика од нив, Северна Македонија заостанува не поради недостаток на капацитет, туку поради недостиг на политичка волја.

„Европа е решението. Изолацијата е ризикот. Кој работи против Европа — работи против граѓаните. Кој ги блокира уставните измени — ја блокира иднината. Кој стои во место — ја губи историјата“, нагласи Мурати.

Коалицијата „Европски фронт“ повика на итна мобилизација на институциите и политичките чинители за да се врати фокусот кон европската агенда и да се одбегне натамошна политичка и економска изолација.