20 јануари 2026
• од Гоце Кически
Минималните месечни трошоци за едно четиричлено семејство во јануари достигнале 66.413 денари, што претставува зголемување од 921 денар во споредба со декември, покажуваат најновите податоци на Сојуз на синдикати на Македонија.
Според синдикалната пресметка, доколку четиричлено семејство живее во изнајмен стан од 60 квадратни метри, вкупните минимални месечни трошоци се искачуваат на 81.788 денари.
Од вкупната минимална потрошувачка кошничка, 24.211 денари се потребни за храна и пијалаци, додека 6.338 денари се неопходни за покривање на минималните трошоци за комуналии.
Поради континуираниот раст на трошоците за живот, од ССМ бараат зголемување на минималната плата на 600 евра, како и раст на сите останати плати. Во спротивно, синдикатот најавува можност за протести во наредниот период, со цел да се изврши притисок за подобрување на животниот стандард на работниците.
Ненадминливи Понуди Дневно
4.8 (10276 рецензии)
Заштедете 152.00 ден

