Мицкоски: Рамковниот договор донесе мир, стабилност и заедништво

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мицкоски: Рамковниот договор донесе мир, стабилност и заедништво

13 август 2025

• од Станча Јаќимовски

Премиерот Христијан Мицкоски, на свечената седница по повод 24 години од потпишувањето на Рамковниот договор, истакна дека овој документ останува симбол на мир, стабилност и заедништво.

„Летото 2001 беше едно од најтешките во поновата историја на државата. Македонија беше разнишана од конфликт, страв и неизвесност. Имаше моменти кога изгледаше дека патот кон пропаст е неизбежен, но тогаш избравме пат на дијалог, компромис и заедништво,“ рече Мицкоски.

Тој нагласи дека, иако потпишувањето на договорот тогаш предизвикало незадоволство кај двете страни, денес, 24 години подоцна, резултатите се јасни – зачуван мир, стабилност и унитарност на државата.

Симбол на зрелост и обединување

Премиерот посочи дека Рамковниот договор не е само лист хартија, туку симбол на зрелост, храброст и мудрост, потсетник дека, и покрај разликите во јазик, вера и култура, сите граѓани делат заедничка историја и иднина.

„Денес, исто како и тогаш, сме пред избор – дали ќе дозволиме повторни поделби или ќе го избереме патот на заедништво и меѓусебно разбирање,“ праша Мицкоски, додавајќи дека национализмот често бил злоупотребуван за лични и криминални интереси.

Затворено поглавје со поука за иднината

Мицкоски истакна дека оваа влада ја исполнила последната обврска од договорот преку носење на законот за правична застапеност, со што повеќе нема отворени прашања во овој поглед.

„Како затворено поглавје, Рамковниот договор останува да сведочи за потребата од обединување и интегрирање во исполнувањето на заедничките цели,“ заклучи премиерот.