Мицкоски: Можно е да се размислува за предвремени парламентарни избори по локалните

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мицкоски: Можно е да се размислува за предвремени парламентарни избори по локалните

09 октомври 2025

• од Станча Јаќимовски

Премиерот и лидер на ВМРО-ДПМНЕ, Христијан Мицкоски, денеска од Струмица изјави дека по очекуваната победа на партијата на претстојните локални избори, логично би било да се разгледа можноста за одржување предвремени парламентарни избори и обезбедување нов четиригодишен мандат.

Мицкоски, кој говореше на Бизнис форумот во Струмица, нагласи дека конечната одлука нема да се носи врз основа на политички калкулации, туку според интересите на државата и стопанството.

„Очекувам по овие локални избори да влеземе во еден циклус на засилен инвестициски бран. Оној што ја следи политиката ќе каже дека ВМРО-ДПМНЕ и коалицијата ќе има силна победа, посилна дури и од онаа во 2021 година. Логично е тогаш да се предизвикаат предвремени парламентарни избори за нов четиригодишен мандат,“ изјави премиерот.

Тој додаде дека доколку се гледа од „државна логика“, приоритет ќе биде стабилноста и предвидливоста за бизнис-заедницата, а не политичкиот интерес на партијата.
„Ние сакаме да ја ставиме државата пред сè, како и интересот на стопанствениците – за да имаат предвидлива иднина и сигурност во планирањето. Дури потоа доаѓа нашиот политички интерес,“ рече Мицкоски.

На форумот, покрај премиерот, присуствуваа и министри од владата, како и голем број стопанственици од југоисточниот регион, со кои се дискутираше за можностите за нови инвестиции и економски развој.