Мицкоски: Буџетот во минус најмалку милион евра дневно

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мицкоски: Буџетот во минус најмалку милион евра дневно

06 април 2026

• од Станча Јаќимовски

Премиерот Христијан Мицкоски предупреди дека државниот Буџет се соочува со сериозни финансиски предизвици, со дневни загуби кои достигнуваат најмалку еден милион евра, додека истовремено доспеваат и обврски за враќање на долгови во висина од околу 2,5 милијарди евра.

И покрај ваквата состојба, Мицкоски порача дека нема простор за паника, очај или создавање страв кај граѓаните. Според него, Владата има јасен план и стратегија за справување со економските предизвици и стабилизирање на финансиската состојба.

„Сега нема да очајуваме и кукаме. Тоа е што е. Проблемот е тука. Јас не мислам да беседам на прес-конференции и да очајувам и да создавам паника кај граѓаните. Ние како влада ја владееме ситуацијата, точно знаеме каде одиме и немаме никаква дилема“, изјави премиерот.

Тој призна дека состојбата е тешка, нагласувајќи дека се наталожиле повеќе финансиски обврски во ист период. Освен отплатата на долговите, државата се соочува и со враќање на таканаречениот солидарен данок, како и со зголемени расходи поради исплата на плати според новите колективни договори, што започнува од април.

Дополнително, економската ситуација е усложнета и од надворешни фактори. Зголемените цени на горивата, како последица на воениот конфликт на Блискиот Исток, веќе влијаат врз глобалните берзи и носат ризик од нов инфлаторен притисок, особено во текот на март.

Сепак, Мицкоски останува оптимист дека државата ќе успее да се справи со предизвиците.

„Тешко е. Не е лесно. Многу ни се собра… но тоа е што е – нема да очајуваме, ќе се бориме“, порача премиерот, потенцирајќи дека Владата останува фокусирана на економска стабилизација и одржување на финансиската дисциплина.