Мицкоски ја повикува ЕК да му го среди судството – признавање на политички неуспех?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Мицкоски ја повикува ЕК да му го среди судството – признавање на политички неуспех?

11 јули 2025

• од Станча Јаќимовски

Премиерот Христијан Мицкоски, со последните изјави во врска со Извештајот на Европската комисија за владеење на правото, повторно покажа дека е подготвен за реторички спектакл, но не и за суштински политички одговор. Наместо да ја прифати критиката како поттик за суштински реформи, тој се обиде со иронија и пасивно-агресивен цинизам да ја префрли одговорноста на самата Европска комисија – сериозна институција чие мислење тежи и на национално и на европско ниво.

Во место самокритика, слушнавме сарказам: „Нека дојде Европската комисија и нека избере Судски совет и обвинители… само овие нека ги тргнат.“ Со ваква изјава, Мицкоски практично ја отфрла суштината на демократското владеење – обврската избраните власти да воспостават независни и одговорни институции, не да ги предаваат како товар на надворешни актери.

Европската комисија не е техничка служба за чистење неред по неуспешни домашни реформи. Таа е орган кој ги проценува стандардите на земјите што сакаат да бидат дел од ЕУ. Нејзините извештаи се предупредувачки сигнали – а не повод за сарказам. Идејата дека „ние ќе се повлечеме, тие нека бираат“ е не само политички неодговорна, туку и опасно популистичка. Таа поттикнува на избегнување на одговорноста, наместо на нејзино преземање.

Овој вид на реторика е добро познат – слични маневри со „ќе се повлечеме, нека дојде некој друг“ сме слушале од политичари кои или не сакаат, или не умеат да се справат со институционална криза. Но кога ова доаѓа од премиер, тоа е знак на институционална капитулација.

Вистинскиот одговор на критиките на Европската комисија не е предлог Брисел да формира Судски совет. Вистинскиот одговор е итна и одлучна акција за департизација на правосудството, за поставување професионалци на клучни функции, за почитување на начелото на поделба на власта – и, пред сè, за преземање политичка одговорност кога реформите не даваат резултат.

Извештајот не е само административен документ. Тој ја отсликува сликата на нашата држава низ очите на Европската унија. Наместо да го навредува гласникот, премиерот треба да се запраша зошто по толку години и толку ветувања, уште не сме во состојба да изградиме независно и ефикасно судство.

Европската комисија нема да ни го реши судството. Тоа е работа за нашите институции – и одговорност на тие што се на власт. Наместо да нуди шоу, Мицкоски треба да понуди резултати. Европа гледа – и памети.