29 октомври 2025
• од Станча Јаќимовски
Кандидатот за градоначалник на Град Скопје од партијата Левица, Амар Мециновиќ, во дебатата на „Канал 5“ со противкандидатот од ВМРО-ДПМНЕ, Орце Ѓорѓиевски, остро одговори на обвинувањата за наводна поддршка од коалициски структури и гласачи на други партии.
„Јас добив 30.000 гласови од скопјани и јас немам списоци како вас да знам кој гласал за мене. Вие имате соработка со Мерко во Струга – не јас. Јас ја победив Шукова со 2.000 гласа во Аеродром – сигурно не гласал ДУИ за мене“, изјави Мециновиќ во емисијата.
Тој потенцираше дека неговата поддршка е резултат на довербата на граѓаните, а не на политички договори или изборни коалиции. „Сè што имам, го добив од скопјани кои веруваат во поинаква политика“, рече кандидатот на Левица.
Во продолжение на дебатата, Мециновиќ се осврна и на неговата работа како пратеник во Собранието, одговарајќи на прашања за евентуална оставка.
„Јас го легитимирав мојот пратенички мандат. Кога ќе поднесат 30 пратеници од вашата пратеничка група оставка кои збор немаат земено, тогаш и јас ќе поднесам оставка, иако сум најактивен пратеник во Собранието“, порача тој.
Со ваквите изјави, Мециновиќ испрати порака дека неговата кампања и политичка активност се насочени кон граѓаните, а не кон меѓупартиски договори или изборни тактики.
Ненадминливи Понуди Дневно
4.8 (10276 рецензии)
Заштедете 152.00 ден

