Меџити ветува правда за Кочани, но и за „Беса транс“, модуларната болница и Ласкарци

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Меџити ветува правда за Кочани, но и за „Беса транс“, модуларната болница и Ласкарци

21 март 2025

• од Вардарски

„Ќе има правда не само за трагедијата со пожарот во Кочани, каде што загинаа 59 луѓе, а над 100 беа повредени, туку и за другите тешки случаи што ја потресоа земјата, како несреќата со „Беса Транс“, пожарот во модуларната болница во Тетово и трагичната несреќа во Ласкарци, ветува вицепремиерот Изет Меџити.

„Македонија доживеала многу трагедии со тешки последици, но правдата недостасувала, а државата повеќе нема да седи со скрстени раце“, изјави Меџити.

„Додека се молиме за преживеаните и се подготвуваме да ги испратиме трагично загинатите на 16 март, како Влада ветуваме дека горчливата лекција од Кочани е научена, пораката е примена: државата нема да седи со скрстени раце и нема да дозволи правдата да заталка и да се девалвира низ институционалните лавиринти, изградени да ги штитат токму недопирливите“, напиша Меџити на социјалната мрежа Фејсбук.

Меџити истакна дека Владата ќе работи на тоа правдата „да не остане само концепт заробен од мафијата и ендемската корупција“.

„Нашата борба за подобра Македонија ќе има смисла само тогаш кога оние кон кои системот бил неправеден ќе почувствуваат дека правдата, сепак, не е заробена од мафијата која ја контролира државата, како што за жал тоа било случај со години наназад, и дека нивните повици за правда ќе наидат на одговори и реакција“, вели тој.

Според вицепремиерот Меџити, трагедијата во Кочани треба да биде потсетник за институциите дека не смеат да дозволат повторување на вакви несреќи.

„Кочани е нашата совест која што повикува на дејствување. Кочани е нашиот непребол кој налага реакција. Кочани е катарза на скапаниот систем и ендемската корупција вкоренети длабоко низ институциите кои ги уништуваат човечките животи“, вели Меџити.