Меџити: Уапсен еден од одговорните за антиалбанските скандирања во Куманово

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Меџити: Уапсен еден од одговорните за антиалбанските скандирања во Куманово

08 август 2025

• од Станча Јаќимовски

По инцидентот што се случи на кошаркарскиот натпревар помеѓу Македонија и Романија на 2 август 2025 година во Куманово, полицијата уапси едно лице осомничено за обид да внесе транспарент со навредлива содржина. Според информациите од Министерството за внатрешни работи, уапсен е 30-годишниот С.М. од Куманово, кој се сомничи дека за време на полувремето на натпреварот се обидел да го внесе спорниот транспарент.

Во врска со случајот, во СВР Куманово се повикани и други осомничени лица, со кои е извршен службен разговор. Надлежните институции, во координација со Јавното обвинителство – Куманово, најавија преземање на конкретни законски мерки, вклучително и можни кривични постапки против инволвираните.

По апсењето, со реакција се огласи и вицепремиерот и еден од лидерите на политичката платформа ВЛЕН, Изет Меџити, кој ја поздрави интервенцијата на полицијата и порача дека говорот на омраза нема да се толерира.

„По фашистичките и антиалбанските скандирања што се слушнаа пред неколку дена во Куманово, за време на кошаркарскиот натпревар помеѓу Македонија и Романија, веќе има позитивен развој: еден од навивачите одговорни за овие неприфатливи скандирања е уапсен. Им честитам на институциите за брзиот одговор и ефикасната работа во овој случај. Пораката е јасна: говорот на омраза нема да се толерира“, напиша Меџити во својата изјава.

Случајот предизвика бурни реакции во јавноста, особено поради тоа што натпреварот се одигруваше на ден од големо државно значење – 2 август, и прерасна во платформа за ширење навредливи пораки. Очекувањата се институциите да го истражат случајот до крај и да обезбедат санкционирање на сите одговорни.