Меџити: Албанскиот јазик во Македонија треба да има ист статус како српскиот во Косово

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Меџити: Албанскиот јазик во Македонија треба да има ист статус како српскиот во Косово

29 декември 2025

• од Станча Јаќимовски

Градоначалникот на општина Чаир и истакнат функционер на партијата Вреди, Изет Меџити, изјави дека неговата партија активно работи на унапредување на статусот на албанскиот јазик во Македонија, со цел тој да биде целосно изедначен со македонскиот, по примерот на српскиот јазик во Република Косово.

Во гостување на порталот „Коха“, Меџити нагласи дека во Косово, и покрај тоа што Србите сочинуваат околу 3 проценти од населението, српскиот јазик има целосно еднаков статус со албанскиот јазик во сите институции.

„Работиме на проблемот и бараме албанскиот јазик да добие статус како српскиот јазик во Косово. Таму Србите се 3 проценти, а српскиот јазик е апсолутно еднаков на албанскиот во Република Косово“, изјави Меџити.

Тој истакна дека прашањето за јазичната еднаквост не е само политичко, туку и прашање на демократски стандарди и почитување на правата на заедниците. Според него, унапредувањето на употребата на албанскиот јазик ќе придонесе за поголема институционална еднаквост и стабилност во државата.

Изјавата на Меџити повторно го отвори прашањето за примената и интерпретацијата на Законот за употреба на јазиците, кој и понатаму предизвикува различни политички и јавни реакции.