Македонците во Италија во мака поради непризнавање на возачките дозволи

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Македонците во Италија во мака поради непризнавање на возачките дозволи

07 септември 2025

• од Станча Јаќимовски

Непризнавањето на македонските возачки дозволи со новото уставно име им го загорчува секојдневието на Македонците кои живеат и работат во Италија, објави 4NEWS.mk.

Еден македонски државјанин бил приморан да се откаже од работното место, а друг повеќе од две години не успеал да седне зад волан. Причината е што италијанските власти бараат документи со старото име на државата за да им овозможат да управуваат возила.

Секојдневни проблеми и ограничени можности

Оваа состојба не само што го отежнува секојдневието на нашинците, туку им ги ограничува и можностите при избор на работа. Македонците велат дека се разочарани, бидејќи проблемот со години не наоѓа решение.

Од амбасадата во Рим, пак, со години давале ист одговор – дека состојбата останува непроменета. Во меѓувреме, граѓаните се соочуваат со две непријатни опции: да се снаоѓаат со алтернативен превоз или да полагаат за италијанска возачка дозвола, чиј трошок достигнува и до 2.000 евра.

Чекорите на институциите

Од македонското Министерство за надворешни работи за Сител потврдија дека конечниот договор за заемно признавање на возачките дозволи е веќе испратен до италијанските власти.

„Македонската страна ги заврши сите потребни формалности и во моментов се чека одобрување од италијанските институции, по што би следело негово потпишување,“ стои во одговорот на МНР.

И од Министерството за внатрешни работи ја потврдија оваа информација:

„Во тек се преговори за усогласување на нацрт-договорот меѓу двете влади. МВР веќе достави одговор до италијанските власти и се чека нивен став,“ наведуваат од министерството.

Дополнителни компликации

Големите гужви при издавањето на лични документи на крајот од 2023 и почетокот на 2024 година ја усложнија состојбата уште повеќе. Поради неподготвеноста на институциите да ги исполнат обврските од Преспанскиот договор, Собранието донесе одлука да го продолжи рокот на важност на возачките дозволи со старото име – но само во земјата, до 31 декември 2024 година.