Љупчо Николовски: Програмата ИПАРД официјално суспендирана во Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Љупчо Николовски: Програмата ИПАРД официјално суспендирана во Македонија

24 декември 2025

• од Станча Јаќимовски

Поранешниот министер за земјоделство Љупчо Николовски информираше дека Европската комисија официјално ја потврдила суспензијата на исплатите од програмата ИПАРД за Северна Македонија, и тоа на неопределен рок.

Во својата реакција, Николовски – актуелен пратеник и опозициски претставник од СДСМ – наведе дека уште пред повеќе од еден месец понудил помош, конкретни идеи и решенија со цел да се избегне ваквиот исход, но дека надлежните институции не реагирале навреме.

„Не слушаа, не работеа и ова е цената. Наместо работа, добивме криење, лаги и дефокусирање. Последицата е јасна: најважната европска програма за развој на земјоделството е запрена, а земјоделците и компаниите кои со месеци чекаат инвестиции остануваат со празни раце, со единствена надеж дека ќе дојдат подобри времиња, бидејќи од оваа влада е јасно дека нема за што да се надева“, напиша Николовски.

Програмата ИПАРД, преку која се доделуваа грантови за земјоделство и рурален развој, е суспендирана по апсењето на директорот на Агенцијата за финансиска поддршка во земјоделството и руралниот развој. Овој потег предизвика сериозна загриженост кај земјоделците и деловниот сектор, кои очекуваа финансиска поддршка за нови инвестиции и развојни проекти.