Љубчо Георгиевски: Критиката на ,,Српскиот свет" веднаш ја активира пропагандата

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Љубчо Георгиевски: Критиката на ,,Српскиот свет" веднаш ја активира пропагандата

18 ноември 2025

• од Станча Јаќимовски

Поранешниот премиер и поранешен лидер на ВМРО–ДПМНЕ, Љубчо Георгиевски, повторно ја отвори темата за српските политички наративи во регионот, коментирајќи ја тезата дека „Србите се загрозени во Македонија“. Според него, оваа теза е дел од стар, но обновен регионален наратив кој традиционално се појавува секогаш кога ќе се критикува концептот на „Српскиот свет“.

„Петти – и последен пат“ слушам за „загрозените Срби во Македонија“

Георгиевски наведува дека оваа теза ја слушнал по петти пат, последниот пат на новиот информативен канал „Newsmax Balkans“, медиум што, според него, функционира како експонент на пропагандата за „Голема Србија“. Во интервјуто на овој канал со Ивица Боцевски и Драган Милослављевиќ, повторно било нагласено дека српската заедница во Македонија наводно е под притисок.

Причината? Критика на „Српскиот свет“ и историски митови

Поранешниот премиер истакнува дека оваа теза не е резултат на реални состојби, туку реакција на одредени кругови кои се чувствуваат навредени кога некој ќе го критикува проектот „Српски свет“ или ќе го оспори митот за „ослободувањето на Старa Србија“.

„Зарем секое несогласување со нечија националистичка агенда значи дека Србите се загрозени?“ – прашува тој.

Георгиевски: Нов сезонски циклус на „вампиризација“ на идејата за Голема Србија

Според Георгиевски, тезата дека Србите се загрозени во Хрватска, Босна и Херцеговина, Косово, Црна Гора, а сега и во Македонија, не е нова. Напротив, тој смета дека се работи за „нов сезонски циклус на вампиризирање на идејата за Голема Србија“, кој има за цел да создаде чувство на константен притисок и опасност врз српското население на Балканот, без оглед на фактичките услови.