Лишена од слобода сопругата на лекарот во кој беше пукано во Куманово осомничена за организатор

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Лишена од слобода сопругата на лекарот во кој беше пукано во Куманово осомничена за организатор

09 октомври 2025

• од Станча Јаќимовски

Полициските службеници од СВР Куманово ја лишија од слобода А.А. (43) од Тетово, под сомнение дека е поврзана со обидот за убиство на нејзиниот сопруг, лекарот З.Ш. (43) од село Слупчане, општина Липково. Настанот, кој ја потресе јавноста, се случи во понеделникот вечерта во Куманово.

Полицијата уапси една, а повика уште шест лица на разговор

Според информациите од МВР, во текот на истрагата на разговор биле повикани уште шест лица, а по судска наредба бил извршен претрес во домот на Б.С. (50) од Куманово.

По целосното документирање на случајот, против А.А. ќе биде поднесена соодветна кривична пријава. Освен неа, обвинение ќе следува и за Љ.Ф. (36) од Гостивар, кој се сомничи дека бил директен извршител на нападот. Тој моментално е во бегство, а полицијата интензивно трага по него во координација со Основното јавно обвинителство.

Жртвата првпат јавно реагираше по нападот

По излегувањето од болница, лекарот З. Шаини за првпат јавно се огласи во врска со вооружениот напад. Тој го опиша настанот како „кукавички напад“ од маскирани лица и побара истрагата да се спроведе без политички влијанија.

„Вчера бев нападнат на кукавички начин од маскирани лица. Сакам да ве уверам дека немам непријателство со никого, ниту сум ја допрел нечија чест или семејство – за тоа ми е сведок само Бог,“ изјави тој за порталот Алмакос.

Шаини додаде дека иако нападот се случил во период на изборна кампања, не сака настанот да добие политичка конотација:
„Ги молам органите на редот да го расветлат случајот што е можно побрзо,“ рече тој.

Следуваат кривични пријави и понатамошна истрага

МВР информира дека истрагата продолжува со целосно разјаснување на мотивите и можните соучесници. Органите на прогонот најавија дека ќе бидат извршени дополнителни вештачења и распити.

Случајот предизвика бурни реакции во јавноста, особено поради фактот што главна осомничена за организирање на нападот е токму сопругата на жртвата.