Лазов: Дали Панче Тошковски наместил тендер за роднина на премиерот?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Лазов: Дали Панче Тошковски наместил тендер за роднина на премиерот?

13 август 2025

• од Станча Јаќимовски

Истакнатиот активист и член на Централниот одбор на СДСМ, Герасим Лазов, по вчерашните најави за тужба од ВМРО-ДПМНЕ, излезе со нови обвинувања и прашања упатени кон власта. Во фокусот е тендерот за испитниот центар во Струмица, за кој, според него, постојат сомнежи дека бил „наместен“ за роднина на премиерот.

Лазов директно го прашува министерот за внатрешни работи Панче Тошковски дали влијаел на исходот на постапката за доделување на тендерот, со цел истиот да го добие Јорданчо Јанев, познат како Дано, кој е баџанак на премиерот Христијан Мицкоски.

„Дали баџанакот на премиерот #Мицкоски, Дано камионџијата, го има земено тендерот за испитниот центар за полагање возачки испит за Струмица и околината? Дали Панче Тошковски го наместил тендерот баш баџанакот Дано да го добие?“, прашува Лазов.

Овие обвинувања се појавуваат во период на засилени политички тензии и меѓусебни обвинувања помеѓу власта и опозицијата. Доколку се потврдат, случајот би можел да прерасне во сериозен скандал, бидејќи станува збор за сомнежи за злоупотреба на службена положба и фаворизирање во јавни набавки.

Во својата објава, Лазов саркастично им се обраќа на симпатизерите на власта, нарекувајќи ги „патриоти на батерии“ и повикувајќи ги да си ја пуштат песната „Заветна“ и да „плускаат“ посилно — алудирајќи на потребата да го одбранат својот лидер од критики.