Кружат информации за плати и унапредувања во Министерството за одбрана

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Кружат информации за плати и унапредувања во Министерството за одбрана

21 јануари 2026

• од Станча Јаќимовски

Во изминатите денови, на повеќе интернет портали се појавија информации поврзани со кадровските решенија, унапредувањата и исплатата на надоместоци во Министерство за одбрана, по стапувањето на функцијата на министерот Владо Мисајловски.

Според објавените наводи, новинарска редакција упатила прашања до Министерството за одбрана во врска со вработувањето, унапредувањето, висината на платите, додатоците на плата и видот на договори за повеќе вработени лица. Од Министерството биле доставени одговори, но дел од бараните информации не биле конкретно појаснети.

Одговорите, како што е наведено, главно се однесувале на тоа дали на вработените им бил исплатен бонус на плата, при што за повеќето лица било посочено дека бонуси не биле исплатени. Меѓутоа, не биле дадени податоци за висината на платите, евентуалните додатоци, видот на работниот ангажман или деталите за унапредувањата.

Во фокусот на интересот се нашле неколку вработени и раководни лица. За Габриела Калкова, Министерството соопштило дека е вработена како раководител на сектор по пат на јавен оглас, согласно законска постапка, и дека не ѝ е исплатен бонус на плата. Дополнителни информации за нејзината плата и додатоци не биле објавени.

Слични одговори биле дадени и за Маја Георгиевска, за која било наведено дека е преземена од друга институција и унапредена согласно закон, без исплата на бонус. Податоци за договорот, позицијата и месечните примања не биле соопштени.

За директорот на Директоратот за услуги, спорт и рекреација, Влатко Рафески, од Министерството било наведено дека е преземен и унапреден во законска постапка и дека не примил бонус на плата, без дополнителни финансиски детали.

Исто така, за Крсте Малинковски, кој е вработен во Министерството од 2010 година, било одговорено дека унапредувањето било спроведено согласно закон и дека не му е исплатен бонус, без информации за позицијата и платата.

Во однос на Игор Павлески, раководител на Сектор за поддршка, Министерството соопштило дека е вработен по пат на јавен оглас и дека поседува „соодветен“ безбедносен сертификат, но без да прецизира кој степен, како и без податоци за плата и додатоци.

Прашања биле упатени и за Ирена Станковска, директорка на Директорат за управување со човечки ресурси, образование и обука. Одговорот од Министерството содржел информација дека таа е директорка и дека не добивала бонус на плата, но не и податоци за евентуални додатоци или висината на платата.

Од Министерството појаснуваат дека платите, надоместоците и додатоците на плата се регулирани со Законот за вработените во Министерството за одбрана и со Колективниот договор од февруари 2024 година. Дополнително, наведуваат дека додатоците за работа во комисии и работни групи не се трајни и се исплатуваат само за месеците во кои има реален ангажман.

Во одговорите се посочува и дека дел од бараните информации се класифицирани и дека нивното неовластено објавување би било спротивно на закон.

Истовремено, на порталите се пренесуваат и информации, повикувајќи се на извори од внатрешноста на институцијата, дека постојат загрижености кај дел од вработените во однос на можни измени на вредноста на бодот за плата, како и иднината на колективниот договор и додатоците на плата. Од Министерството засега нема официјално соопштение со кое би ги потврдило или демантирало овие наводи.