Кривична пријава против шестмина вработени во ЈП „Национални Шуми“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Кривична пријава против шестмина вработени во ЈП „Национални Шуми“ – штета од над 170.000 евра

04 септември 2025

• од Станча Јаќимовски

Полицијата поднесе кривична пријава против шестмина вработени во ЈП „Национални Шуми“, кои со несовесно работење и злоупотреба на службената положба предизвикале штета на буџетот на претпријатието во износ од над 170.000 евра.

Детали од случајот

Според соопштението на Министерството за внатрешни работи, СВР Битола поднесе пријава до Основното јавно обвинителство Битола против:

И.Т. (30) од Демир Хисар,
И.Р. (59) од село Кутретино,
Б.Ј. (60) од село Слоештица,
С.У. (50) од Демир Хисар,
за кривично дело „несовесно работење во службата“, како и против
А.Ш. (31) од село Смилево,
М.Ѓ. (46) од село Загорче,
за „злоупотреба на службена положба и овластување“.

Како е направена штетата

Првопријавениот И.Т., раководител на Подружница „Бигла“ – Демир Хисар, во 2023 и 2024 година не спровел теренски контроли на повеќе локации. На тој начин биле забележани кусоци од вкупно 1.504 кубни метри дрвна маса, која иако била исечена, не била евидентирана во сметководството. Со тоа на претпријатието му била нанесена штета од 10.528.000 денари или 171.186 евра.

Во делот на Шумско стопански единици „Прибилци“, „Илинска планина“, „Пречиста“ и „Јаворец“ биле констатирани недостиг од стотици кубни метри дрвна маса, која останала нерегистрирана.

Второобвинетиот И.Р., како раководител на шумо-чуварската служба, заедно со неговите колеги Б.Ј. и С.У., не извршиле надзор на теренот и со тоа овозможиле нелегална сеча.

Петтообвинетиот А.Ш., референт за превоз, се задолжил со приемници за сеча и дотур на 185,5 кубни метри огревно дрво, но во пописот за 2024 година бил утврден кусок од 83,3 кубни метри.

Шестообвинетиот М.Ѓ., референт за сеча и дотур, се задолжил со 604 кубни метри огревно дрво, но подоцна бил евидентиран кусок од 155,3 кубни метри.

Вкупна штета

Според пресметките, вкупната материјална штета која му е нанесена на ЈП „Национални Шуми“ изнесува над 10,5 милиони денари, односно повеќе од 170.000 евра.