Костовски до Димитриевски: Каде се исчезнатите 400 милиони денари?

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Костовски до Димитриевски: Каде се исчезнатите 400 милиони денари?

29 јули 2025

• од Станча Јаќимовски

Организацискиот секретар на СДСМ и кандидат за градоначалник на Куманово, Мартин Костовски, денеска јавно го прозва актуелниот градоначалник Максим Димитриевски поради неуспехот да обезбеди комплетна финансиска поддршка за капитални проекти од Унгарскиот кредит, наменет за општините.

„Се фалеше со 800 милиони денари, а доби само 400. Каде се другите 400?“ – праша Костовски во својата објава, алудирајќи на фактот дека од вкупно 814 милиони денари што ѝ следуваат на Општина Куманово според бројот на жители, одобрени се само 400 милиони денари за 20 од вкупно 26 апликации поднесени до Владата.

Костовски ја искористи оваа прилика да го нападне Димитриевски за неуспешното менаџирање со апликациите, посочувајќи неколку конкретни проекти за кои не биле обезбедени средства:

изградба на градинка во Зелен рид (250 милиони денари)
реконструкција на градската капела (36 милиони денари)
реконструкција на старечкиот дом „Зафир Сајто“ (35 милиони денари)
реконструкција на ОУ „Кочо Рацин“ (36 милиони денари)
реконструкција на ОУ „Вера Которка“ (12 милиони денари)
реконструкција на мост во село Довезенце (15 милиони денари)

„На сите проекти, освен мостот во Довезенце, изготвувач е ЈП Куманово-План. Зошто тогаш не се одобрени? Дали станува збор за нефункционалност, неодговорност или свесен пропуст?“ – прашува Костовски.

Тој потсети дека повикот за овие средства бил објавен уште пред една година и дека локалната самоуправа имала доволно време да ги подготви потребните документи.

„Дали проектите воопшто се завршени, а ако се – зошто нема издадено одобренија за градење? Наместо да се занимава со ’висока геополитика’, време е Димитриевски да одговори пред граѓаните зошто Куманово останува без половина од средствата што му следуваат,“ изјави Костовски.

Тој увери дека доколку ја добие поддршката од кумановци, ќе ги реализира сите овие проекти со сопствени средства на општината, без оглед на одбиените апликации.

„Ова не се ветувања, ова се приоритети. Куманово заслужува повеќе, и тоа ќе го добие“, заклучи Костовски.