Костова: Градоначалниците на ДПМНЕ ги тресат големи скандали со тендери

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Костова: Градоначалниците на ДПМНЕ ги тресат големи скандали со тендери

20 август 2025

• од Станча Јаќимовски

Потпретседателката на СДСМ, Кристина Костова, во гостување во емисијата „Вести плус“ на Канал 5 телевизија посочи дека градоначалниците на ВМРО-ДПМНЕ се вплеткани во серија скандали поврзани со злоупотреба на јавни пари и тендерски злоупотреби.

Скандали со тендери и злоупотреба на буџети

Костова истакна дека, покрај тоа што не ги исполниле предизборните ветувања, голем број градоначалници на ВМРО-ДПМНЕ се поврзуваат со сериозни афери. Според неа, тие афери се однесуваат на испумпување на средства од општинските буџети преку „веќе добро воспоставени тендерски мрежи“. Таа спомена и случаи на кражба на нафта од училиштата – нафта наменета за греење на учениците – како и изградба на дивоградби од лица блиски до локалната власт.

„Големи скандали и толерирање беззаконие се секојдневие во општините водени од ДПМНЕ,“ нагласи Костова.

Неплатени обврски од 700 милиони евра

Според податоците што ги посочи, на ниво на држава во период од четири години се акумулирани доспеани, но неисплатени обврски во износ од околу 700 милиони евра, а дури 80% од нив потекнуваат токму од единиците на локалната самоуправа. „Тоа се конкретни имиња и конкретни општини,“ истакна Костова.

Намален квалитет на услуги и зголемени цени

Потпретседателката на СДСМ потенцираше дека токму во општините каде што ВМРО-ДПМНЕ има најголемо мнозинство изминатите четири години, граѓаните се соочуваат со пад на квалитетот на комуналните услуги, додека цените за истите услуги растат – нешто што таа го оцени како нелогично и неприфатливо.

„Уште пред кампањата да започне, гледаме дека ветувањата на ДПМНЕ градоначалниците за 2025 се идентични со оние од 2021 година. Тоа значи дека во изминатите четири години ништо суштинско не е сработено,“ рече Костова.

Алтернативата на СДСМ

На крај, таа порача дека СДСМ размислува подалекусежно и ќе понуди реални решенија за проблемите со кои се соочуваат граѓаните на локално ниво. „Нашата цел е општините да се придвижат во правилна насока, кон поголем раст и развој,“ подвлече Костова.