20 октомври 2025
• од Станча Јаќимовски
Независниот кандидат Менди Ќира и претставникот на Националната алијанса за интеграција (НАИ), Арсим Далипи, ќе се соочат во вториот круг од локалните избори за градоначалник на Струга.
Според првичните податоци од Државната изборна комисија (ДИК), од 83 од вкупно 101 избирачко место, Ќира освоил 7.999 гласа, додека Далипи добил 7.315 гласа. Во Единствениот избирачки список на општина Струга се запишани 62.711 гласачи, а конечните резултати ќе бидат познати по пребројувањето на сите гласачки ливчиња.
На вечерната прес-конференција, Менди Ќира им се заблагодари на сите граѓани кои излегле да гласаат одговорно, без да подлегнат на провокации, закани или манипулации.
„Денес граѓаните на Струга, без разлика на етничка, верска или политичка припадност, покажаа зрелост, достоинство и вистинска љубов кон местото каде што живеат. Овој процес покажа дека моќта е во рацете на народот. Денес победија слободните граѓани, победи Струга што работи и не се плаши,“ изјави Ќира.
Вториот круг од локалните избори во Струга се очекува да биде неизвесен, со оглед на тесната разлика меѓу двајцата кандидати и високата излезност на гласачите.
Ненадминливи Понуди Дневно
4.8 (10276 рецензии)
Заштедете 152.00 ден