Кирков: ЈСП без поддршка од градоначалничката, над 200 автобуси стојат расипани на паркинзите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Кирков: ЈСП без поддршка од градоначалничката, над 200 автобуси стојат расипани на паркинзите

10 јули 2025

• од Станча Јаќимовски

Советникот во Советот на Град Скопје од редовите на ВМРО-ДПМНЕ, Стефан Кирков, заедно со неговиот колега Тони Бојковски, денеска изврши вонредна посета на Јавното сообраќајно претпријатие ЈСП Скопје, поради, како што велат, бројните поплаки од граѓаните за лошата состојба во јавниот превоз.

„Нас не прими генералниот директор Драган Кушоски, со кој отворено разговаравме за сите проблеми со кои се соочува претпријатието. Иако Советот на Град Скопје досега експресно ги изгласува сите барања поврзани со субвенции, развојни програми и нови вработувања, состојбата останува критична“, изјави Кирков.

Тој посочи дека ЈСП е во финансиска криза, со блокирани сметки и сериозни долгови, при што недостасува и елементарна поддршка од градоначалничката Данела Арсовска. Кирков нагласи дека над 200 автобуси се расипани и стојат на паркинзите, додека вработените работат во несоодветни услови, а системот на работа не е унапреден со години.

„Ова е директен резултат на недомаќинско и нестручно менаџирање. Скопјани се тие што ја плаќаат цената“, рече Кирков, додавајќи дека е неопходно професионализација на раководството на ЈСП, како и темелна ревизија и одговорност за сите кои ја довеле институцијата во ваква состојба.

„Убедени сме дека многу брзо ќе дојдат подобри времиња и за ЈСП и за скопјани, но потребни се сериозни реформи и ново, стручно раководство“, заклучи тој.