Кириите во Скопје одат до небо – студентите и младите семејства пред безизлез

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Кириите во Скопје одат до небо – студентите и младите семејства пред безизлез

01 септември 2025

• од Станча Јаќимовски

Со почетокот на новата учебна и академска година, изнајмувањето стан во Скопје стана речиси невозможна мисија. Побарувачката расте, а цените на кириите достигнуваат рекордни височини. Сè повеќе граѓани се чувствуваат оставени на милост и немилост на пазарот – без реална шанса да обезбедат пристоен покрив над глава.

Центар и Карпош – резервирани за „привилегираните“

Според анализата на агенцијата „Левел“, становите во Центар и Карпош се најскапи, со цени што се движат од 410 до дури 590 евра месечно. За многумина, тоа значи цела плата само за кирија. Овие населби одамна престанаа да бидат достапни за обичниот граѓанин.

Аеродром, иако малку поевтин, со цени од 410 до 530 евра, веќе одамна не е „поволна алтернатива“.

Кисела Вода – „најевтино“ што и тоа е неподносливо

Единствената „поевтина“ опција останува Кисела Вода, со цени од 350 до 430 евра. Но, и оваа бројка е запрепастувачка за студентите и младите семејства кои едвај врзуваат крај со крај. Гарсоњера таму чини 280 евра, што за многумина е половина месечна плата.

Црна реалност за младите

Станот одамна престана да биде простор за живот – стана луксуз. Агенциите ја оправдуваат разликата од 40 евра помеѓу Кисела Вода и Центар со „инвестиција во квалитет на живот“. Но, за студентите и младите професионалци, тоа значи уште едно неподносливо финансиско бреме.

Многумина се приморани да делат станови со непознати луѓе или да живеат во услови недостојни за човек.

Избор без избор

Иако цените зависат од големината на станот и од населбата, вистината е брутална: граѓаните немаат избор. Секој месец станува борба за преживување, а Скопје полека се претвора во град каде само „елитата“ може да си дозволи да живее.