Каранфилова-Пановска: Погрешните политики на власта го засилуваат иселувањето на младите

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Каранфилова-Пановска: Погрешните политики на власта го засилуваат иселувањето на младите

18 август 2025

• од Станча Јаќимовски

Заменик-претседателката на СДСМ, Фани Каранфилова-Пановска, на традиционалниот младински камп „Трајче Нешковски“ во Охрид остро ја критикуваше власта на ВМРО-ДПМНЕ за, како што рече, погрешните политики кои ја уништуваат перспективата на младите и ја зголемуваат нивната желба за иселување.

„Партизација наместо шанса за младите“

Според Каранфилова-Пановска, институциите се целосно партизирани, што го оневозможува ангажманот на млади и стручни кадри:

„Стручни и квалитетни млади кандидати се отфрлаат, местата се полнат со партиски кадри. Младите немаат шанса дома да ја градат својата иднина, ВМРО-ДПМНЕ ја уништува последната надеж дека можат да се вработат според знаење и квалификации,“ изјави таа.

Алармантни бројки за вработеноста

Каранфилова-Пановска укажа и на загрижувачките податоци за намалување на бројот на вработени за над 17.000 лица од 2024 година наваму.

„Ова не се само статистички податоци, туку вистински човечки судбини – илјадници млади кои заминуваат и уништени надежи за иднина во сопствената земја,“ нагласи таа.

Невозможена европска перспектива

Таа потсети дека помина повеќе од една година од преземањето на власта од страна на ВМРО-ДПМНЕ, а ниту едно од ветувањата за младите не е исполнето.

„Младите се заборавени и маргинализирани. Европската перспектива на земјата е блокирана, иднината неизвесна. Погрешните политики на власта само го засилуваат трендот на иселување,“ предупреди заменик-претседателката на СДСМ.

Поддршка од СДСМ за младите

Во своето обраќање таа порача дека СДСМ останува партија која стои на страната на младите.

„СДСМ верува во вашата енергија, знаење и идеи. Тука сме да ви отвориме врати во партијата, да ве слушаме и да ви овозможиме да бидете двигатели на промените,“ рече Каранфилова-Пановска.

На крајот, таа потенцираше дека Македонија мора да биде земја во која успехот зависи од знаењето и способноста, а не од партиската припадност:

„Заедно ќе се бориме за оваа цел,“ порача таа.