Изет Меџити: Војната на УЧК беше праведна и разумна, борбата за правда е над политиката

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Изет Меџити: Војната на УЧК беше праведна и разумна, борбата за правда е над политиката

08 август 2025

• од Станча Јаќимовски

Вицепремиерот и кандидат за градоначалник на општина Чаир, Изет Меџити, ја изрази својата поддршка за протестот што се одржа во Приштина под мотото „Правда за ослободителите“, организиран од Здружението на воени ветерани на УЧК и ОВК. Протестот беше насочен против, како што тврдат организаторите, неправдите од страна на Специјализираниот совет на Косово во Хаг, кој гони поранешни водачи на УЧК за наводни воени злосторства.

Во својата изјава на социјалните мрежи, Меџити подвлече дека не сака да ја користи оваа, како што ја нарече, „голема кауза“ за изборни цели. Тој нагласи дека борбата за слобода и правда е поважна од секое политичко натпреварување.

„Мојот став беше и останува непоколеблив: Војната на УЧК во Косово, во Прешево и во Македонија беше праведна, разумна и чиста“, истакна Меџити, кој е дел од коалицијата ВЛЕН.

Тој оцени дека Косово денес е суверена и функционална држава која успешно ги елиминирала паралелните структури на северот од својата територија, додека државните институции се целосно консолидирани.

Во своето обраќање, Меџити упати и критика кон иницијативата „Отворен Балкан“, оценувајќи дека одредени политички елити направиле компромиси со територијалниот интегритет, природните богатства и правдата. Според него, Косово денес е водено од лидери кои не прават отстапки кога станува збор за државните и националните интереси.

На протестот во Приштина, кој имаше за цел да укаже на, како што велат организаторите, неправедниот третман на борците за слобода, присуствуваа голем број учесници, а меѓу говорниците беше и лидерот на ДУИ, Али Ахмети.