Индустриски робот усмрти работник во фабрика во Ѓорче Петров

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Индустриски робот усмрти работник во фабрика во Ѓорче Петров

13 декември 2025

• од Станча Јаќимовски

Во фабрика лоцирана во скопската населба Ѓорче Петров вчера се случи трагичен инцидент при кој животот го загуби работник за време на управување со индустриски робот за пакување на готови производи. Информацијата ја објави порталот 24 Инфо.

Според неофицијални извори, при работењето со роботот дошло до неконтролирана секвенца на операции, по што машината го усмртила работникот. Засега не е утврдено дали несреќата е резултат на технички дефект, пропуст во примената на безбедносните протоколи или евентуална грешка во софтверскиот систем што го контролирал роботот.

На местото на настанот веднаш интервенирале полициски екипи и претставници од Државниот инспекторат за труд, кои ја обезбедиле фабриката и започнале со увид. Производствениот процес е привремено прекинат, а пристапот до делот каде што се случила несреќата е ограничен.

Во меѓувреме, специјализирани технички тимови вршат детална анализа на индустрискиот систем и опремата со цел да се утврдат точните причини за трагедијата. Надлежните институции најавуваат дека официјални информации и резултати од истрагата ќе бидат соопштени во наредните денови.

Овој настан повторно го отвора прашањето за безбедноста при работа со автоматизирани индустриски системи и потребата од строга примена на заштитните стандарди во производствените капацитети.