Хаос во мигрантскиот камп Табановце: Демолирани објекти, кражби и сериозен безбедносен инцидент

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Хаос во мигрантскиот камп Табановце: Демолирани објекти, кражби и сериозен безбедносен инцидент

12 декември 2025

• од Станча Јаќимовски

Во мигрантскиот камп на граничниот премин Табановце во Македонија се случил сериозен инцидент во кој, според информации на Инфомакс, поголема група мигранти предизвикале хаос, материјални штети и нарушување на безбедноста на персоналот и објектите во кампот.

Како што дознаваме од високи извори, околу 20 мигранти, претежно од Авганистан и Египет, учествувале во инцидентот при што биле демолирани повеќе објекти и дел од инфраструктурата во кампот. Оштетени се контејнери за сместување, кујната за подготовка на храна, како и објекти кои ги користи Црвениот крст.

Според изворите, мигрантите ја обиле кујната во кампот и ја украле храната, а со нож бил исечен и шаторот кој служел како кујна. Дополнително, бил обиен и објектот на Црвениот крст во кој бил сместен персоналот, при што биле украдени мобилни телефони и други лични предмети.

Особено загрижувачки е фактот што дел од мигрантите, според сведоштвата, се соблекувале голи и се движеле низ дворот на кампот, иако меѓу персоналот имало и жени, што дополнително ја влошило безбедносната и работната атмосфера.

Изворите за Инфомакс нагласуваат дека за настанот се известени сите надлежни институции, како и релевантните меѓународни организации, со цел да се преземат соодветни мерки и да се спречат слични инциденти во иднина.

Очекувањата се дека надлежните органи ќе извршат детална истрага за настанот и ќе ја зајакнат безбедноста во мигрантскиот камп Табановце, со цел заштита на персоналот, хуманитарните работници и инфраструктурата.