Гостивар без вода за пиење – „Бехтел и Енка“ го оштетија главниот водоводен цевковод

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Гостивар без вода за пиење – „Бехтел и Енка“ го оштетија главниот водоводен цевковод

03 декември 2025

• од Станча Јаќимовски

Целиот град Гостивар и околните населени места останаа без вода за пиење откако градежни машини на компанијата „Бехтел и Енка“ го оштетија главниот цевковод при изведување на ископи за време на градежните активности поврзани со автопатот од Коридорот 8.

Голем дефект кај селото Здуње

Јавното претпријатие „Комуналец“ од Гостивар соопшти дека станува збор за сериозен дефект – оштетени се два главни водоводни цевки во близина на селото Здуње, и засега нема точна информација кога ќе се санираат целосно штетите.

Станува збор за оштетување на главна цевка со пречник од 500 мм и дополнителна со пречник од 200 мм, кои го носат водоснабдувањето од изворот на реката Вардар до домаќинствата и потрошувачите во Гостивар.

Вода ќе нема сè додека траат поправките

„Како резултат на оштетувањето на главниот цевковод на водоводната мрежа во Гостивар, предизвикано од ископувањата на механизацијата на ‘Бехтел и Енка’ – изведувачот на автопатот од Коридорот 8, и тоа без претходна најава, ќе има привремено прекинување на водоснабдувањето на целата територија на градот Гостивар“, информираат од „Комуналец“.

Техничките екипи веќе се на терен и работат интензивно на санирање на дефектот со цел што побрзо да се воспостави нормално водоснабдување.

„Водата ќе биде повторно достапна веднаш по завршување на поправките. Се извинуваме за непријатностите и благодариме за разбирањето“, стои во известувањето од претпријатието.