Георгиев: Бугарија е фактор во ЕУ и Северна Македонија мора да го има тоа предвид

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Георгиев: Бугарија е фактор во ЕУ и Северна Македонија мора да го има тоа предвид

10 јули 2025

• од Станча Јаќимовски

Бугарија е силна земја и значаен фактор како во Европската Унија, така и во регионот, а Северна Македонија мора да го има тоа на ум, порача бугарскиот министер за надворешни работи Георг Георгиев во изјава за бугарската телевизија bTV, коментирајќи го последниот извештај на Европскиот парламент, од кој беа избришани референците за „македонскиот јазик и идентитет“.

„Ние сме земја-членка на ЕУ, а Северна Македонија засега е само кандидат. Тоа е реалност која Скопје мора да ја земе предвид“, рече Георгиев.

Министерот потсети дека прашањата поврзани со историјата биле оставени на историчарите уште при потпишувањето на Договорот за пријателство и добрососедство меѓу двете земји. Според него, и темите за јазикот и идентитетот треба да ѝ припаѓаат на научната заедница.

„Имаме заедничка историја и таа не треба да биде присвојувана од никого“, изјави Георгиев.

Во врска со реакциите од македонска страна, министерот упати критика кон лидерот на ВМРО-ДПМНЕ, Христијан Мицкоски, велејќи дека тој спроведува „кризен ПР“ за да се оправда пред граѓаните.

„Веројатно сака да прикрие дека ги излажал сопствените граѓани. Верувам дека граѓаните на Северна Македонија заслужуваат членство во ЕУ и лидери кои можат да ги водат кон таа цел. Тие знаат да направат разлика меѓу реалниот пат кон европска интеграција и изјави кои ги оддалечуваат од него“, додаде Георгиев.