Фондација Македонија повикува: ЕУ да престане да ја легитимира лажната историја на Скопје!

МАКЕДОНИЈА

Фондација Македонија повикува: ЕУ да престане да ја легитимира лажната историја на Скопје!

19 јуни 2025

• од Станча Јаќимовски

Фондацијата „Македонија“ упати повик до сите Бугари да се вклучат во кампања за испраќање писма до европратениците во Европскиот парламент, со цел да се алармира за, како што тврдат, систематското прогонство на Бугарите во Република Северна Македонија. Исто така, фондацијата ја истакнува својата загриженост за наводен лобизам и нетранспарентност при изготвувањето на извештајот на Европскиот парламент за напредокот на Северна Македонија.

Виктор Стоянов, претставник на фондацијата, изрази сомнеж во објективноста на дел од европратениците кои имаат клучна улога во процесот. Според него, токму поради влијанието на евродепутати како Томас Вајц од Австрија (известувач за напредокот на Северна Македонија) и Матеј Тонин од Словенија (известувач во сенка), довербата на бугарските граѓани во европските институции е значително нарушена.

„Кога Европскиот парламент за првпат во својата историја се подготвува да гласа за ‘признавање’ на национален идентитет и јазик, тоа создава чувство кај Бугарите дека можно е преку политички и финансиски влијанија да се купи поддршка во ЕП и да се протуркаат спорни одлуки“, стои во соопштението.

Фондацијата „Македонија“ го повикува секој кој сака да се спротивстави на овие тенденции, да го изрази своето мислење директно до членови на Комисијата за надворешна политика на Европскиот парламент. Како контакт адреси беа објавени следните е-пошти:

Фондацијата апелира до Европскиот парламент да го преиспита начинот на донесување на одлуки кои, според нив, можат да имаат долгорочни последици врз регионалната стабилност и меѓуетничките односи.

Извор: [lupa.bg](https://lupa.bg/news/fondaciya-quotmakedoniyaquot-tryabva-da-sprem-quotpriznavanetoquot-na-nacionalna-identichnost-i-ezik-na-rsm_357459news.html)