Фолклорот како мост на соработка меѓу Северна Македонија и Бугарија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Фолклорот како мост на соработка меѓу Северна Македонија и Бугарија

02 февруари 2026

• од Гоце Кически

Во рамките на културната иницијатива „Вечери на Балканот – Македонија“, во Благоевград се одржа значајна културна средба што обедини претставници на локалната самоуправа, културни дејци и љубители. Настанот се реализираше во партнерство со амбасадорката на Република Северна Македонија во Република Бугарија, Агнеза Руси Поповска, со цел продлабочување на културната и институционалната соработка меѓу двете соседни општини.

Гостин на вечерта беше градоначалникот на Делчево, Иван Гоцевски, кој во своето обраќање истакна дека љубовта кон убавините и потенцијалите на Делчево и Македонија е нешто од кое, како што рече, „никогаш не може да се откаже“. Тој ја искористи можноста да ги претстави развојните капацитети на општината пред присутните претставници од бизнис-заедницата и локалната власт во Благоевград.

Посебен впечаток на присутните остави настапот на фолклорната група при НУЦК „Н. Ј. Вапцарова“, која преку автентични игри и носии достојно го промовираше делчевскиот фолклор, традиција и културно наследство. Играорците беа поздравени со долги аплаузи, а нивниот настап беше оценет како вистински културен мост меѓу двете заедници.

Во рамките на средбата, градоначалникот Гоцевски говореше и за конкретни можности за економска и развојна соработка меѓу двете општини. Тој потенцираше дека Делчево нуди поволна и пријателска бизнис-клима и подготвеност на локалната самоуправа активно да ги поддржи сите корисни иницијативи и инвестициски планови.

Меѓу предложените области за соработка беа издвоени културата и угостителството, инвестиции во недвижности, развој на туристичка инфраструктура, формирање откупно-дистрибутивни центри, логистички операции за интензивна трговија, производство и преработка на храна, капацитети од лесна и незагадувачка индустрија, преработка на земјоделски производи, како и соработка во спортот и заштитата на животната средина.

„Нашата цел е да создадеме динамичен проток на идеи, енергија и ресурси со кои Делчево и Благоевград ќе се позиционираат како лидери во локалниот економски развој во годините што доаѓаат“, истакна Гоцевски.

Настанот во Благоевград уште еднаш потврди дека културата е моќен инструмент за поврзување, а локалната соработка клучен двигател за регионален развој и меѓусебно разбирање.