Филипче: Во Тетово се газат државните симболи, а Владата молчи

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Во Тетово се газат државните симболи, а Владата молчи – тоа е лицемерието на ДПМНЕ

13 октомври 2025

• од Станча Јаќимовски

Претседателот на СДСМ, д-р Венко Филипче, на граѓанска трибина во Тетово остро ја осуди инертноста на Владата на ВМРО-ДПМНЕ и нејзиниот однос кон секојдневните проблеми со кои се соочуваат жителите на овој град. Тој предупреди дека во Тетово не само што се занемарува инфраструктурата и јавната хигиена, туку се нарушуваат и темелните вредности на мултиетничкиот соживот.

Негрижа за Тетово и здравјето на граѓаните

Филипче посочи дека Тетово со години се соочува со сериозни урбанистички и еколошки проблеми. Според него, нефункционалната инфраструктура, нетранспарентните постапки при носење урбанистички планови и нерешениот проблем со кучињата скитници создаваат услови за лош квалитет на живот.

„Тетово се гуши во смет и во загаден воздух, а никој ништо не презема додека здравјето на граѓаните е загрозено,” изјави Филипче.

Нарушување на соживотот и непочитување на државните симболи

Лидерот на СДСМ предупреди дека во градот се појавуваат примери на непочитување на државните симболи и на Законот за употреба на македонскиот јазик. Тој нагласи дека во мултиетничка средина како Тетово, неопходно е да се негува заедништвото и меѓусебното почитување.

„На јавни настани нема македонски превод, не се користат државните симболи, не се почитува доследно Законот за употреба на македонски јазик,” рече тој, додавајќи дека ваквото однесување го поткопува соживотот и ја нарушува општествената кохезија.

Критика за молкот на Владата и лицемерието на ВМРО-ДПМНЕ

Филипче остро ја критикуваше Владата и премиерот Мицкоски поради молкот за постапките на нивниот коалиционен партнер, градоначалникот Билал Касами.

„Владата на ВМРО-ДПМНЕ, чиј коалиционен партнер ја менаџира локалната самоуправа, е само нем посматрач на ваквите состојби. Тоа е ВМРО-ДПМНЕ – молчи кога се газат државните симболи, но е најгласна кога треба да шири поделби и национализам за дневнополитички цели. Тоа е лицемерието на оваа власт – глуми патриотизам, а со двете раце ја поткопува државата,” порача Филипче.

Повикување на вистински патриотизам

На крајот од обраќањето, лидерот на СДСМ порача дека вистинскиот патриотизам не се мери со зборови, туку со дела, одговорност и почит кон сите граѓани, кон државата и нејзините симболи.